..............................باك يمين
فووووووووو
اطلق الحكم صافرته معلنا بدأ المباراه
(اهو الماتش بدأ....ربنا يستر بقى...الواد الباك ليفت بتاعهم عاش عليا كتير أوى الماتش بتاع الدور الاول)
وانطلق اللاعب بمحاذاة الخط
فوووووووو....فاول
(يادى النيله على الحكام...اى حاجه يصفر...لازم يعرفنا انه موجود يعنى)
(موضوع الحكام ده بقى يقرف..لا ويقولك اصل الحكم بشر..واحنا يعنى اللى ولاد كلب..ماحنا كمان بشر..انا حاسس انى هاجيب كرش حكم مره وهاقول اصلى بشر)
فوووووو كورنر
(اروح ارفع الكورنر ده يمكن المخفى ده ياخدنى المنتخب..دانا سفيت التراب وعمرى ماشفت المنتخب)
(أنا مش عارف ايه معايير اختياره للمنضمين للمنتخب...دا قبل كاس افريقيا لما اسامه حسنى اتصاب جاب مكانه سمير صبرى يعنى زى اللى باع الميكرويف وجاب
مكانه راديو....يكونوش بيدفعولوا فلوس)
فوووو ..عرقل اللاعب الخصم..فاول
(الواد الباك الشمال بتاعهم ده منه لله...واخدنى فحت وردم...بس ده نادى شركه ...وانا بلعب على اد فلوسى)
(وبعدين كده كده دايما الباك اليمين مظلوم..افهموا يا بشر...الباك اليمين دايما بيبقى قصاده باك شمال ومعظم الماتش بتبقى مباراه جانبيه بينهم وأكيد الاشول احرف
من اللى بيلعب بيمينه..عشان كده الناس بتحس ان مصر مفيهاش باك يمين كويس)
(وبعدين انا شوط جنب الجمهور وشوط جنب المدرب...مش زى الهافات ولا الفراوده...بيبقوا بعيييد عن وجع الدماغ ده)
فووووو..اوفسايد على الفريق المنافس
(ههههه...اهى الكوره دى مفيهاش حاجه..انا اللى مغطى الاوفسايد هههههه...انما الحكم بيريح دماغه..يبص على اللاينمات ويصفر..واللاينمان معندوش
مشاكل...يقول اوفسايد على كوره مفيهاش حاجه محدش هايكلمه..انما لو قال مش اوفسايد على كوره اوفسايد ودخلت جون هايروح فى داهيه..واهو بردو بيشتغل
على اد فلوسه...زمانه بياخد فى الماتش 60 ولا 70 جنيه ويتعشى ويبات فى فندق 4 نجوم...ههههه)
فوووو..ضربة مرمى
(اشطه جدا..اهو الماتش بدأ ياخد المنحنى اللى انا بحبه..ريحنى واريحك....أموت فى الدورى العام)
فوووو...رمية تماس
(مش لاعبها..أحسن يقوللى فاول اوت...دامابيصدق يصفر عشان يعرف لجنة الحكام انه صاحى)
فوووو...انذار للاعب تعثر داخل منطقة الجزاء
(اهو الهبل هايبتدى...الواد اتكعبل ووقع ...ومحدش قال عايزين بلنتى ...انما ده نظام الكوره فى مصر..اللى يتكعبل جوه المنطقه لازم يتجلد الف جلده...واللى مش
عاجبه مايلعبش كوره)
مش فووو.. بس اللاعب تخطى 3 لاعبين دفعه واحده ورفع اوفر بس جت فى العارضه
(يا مسهل ...اهو على بكره ولا بعده بسبب اللعبه دى هلاقى عدلى القيعى والمندوه الحسينى ومش بعيد بتوع انبى كمان هايموتوا بعض عليا..اشطططططه)
(وبعديها بقى اطلع على تركيا واعيش لى يومين حلوين بدل الارف ده وابقى ارجع واقول اصلى مستحملتش الغربه ..اصلها كانت غربه خضار..وانا بحب غربة
لسان العصفور ..هههههه)
(حلوه دى..ابقى اقولها لصاحبتى بين الشوطين فى الموبيل اضحكها ..وحشتنى اوى ..منه لله ابوها..يأما تروح الاهلى أو الزمالك يأما هاجوزها لابن عمها الظابط)
بردو مش فووو...بسبب عدم تركيز
اللاعب مر منه الخصم وتسبب اللاعب فى ركلة جزاء
(يا نهار اسود ومنيل...البت دى فقر...اروح امثل على الحكم شويه ...ويبقى يدينى انذار ولا بتاع ..مش مشكله ..بس المهم ان الناس تحس انى مظلوم وبالمره اريح
الماتش الجاى...هو ده اساسا الانذار الاول ولا التانى..والله مافاكر)
.....انذار للاعب
(يالا مش مهم..ويوم الجمعه تيجى على الكوره مع دريم ويقولوا مفيهاش حاجه ويتصلوا بالغندور يقول لهم اصل الحكم بشر...ربنا يسهل بس والكاميرا
متوضحهاش أوى...أنا عارف ان الاستاد مفيهوش غير كاميرا واحده شغاله واتنين بيشاوروا عقلهم)
فى العارضه
(الحمد لله..الحمد لله......اروح بقى للحكم اقول له ..".شفت عدل ربنا يا مفترى"....واهو مش هايقدر يطردنى...طبعا...والا مكانش يروح انهارده)
فووووووو..انتهاء الشوط الاول
(الشوط الاول خلص..ربنا يستر بقى والمدرب ميزودهاش معايا احسن مش ناقصاه خالص)
المدرب:انتوا لاعيبه زفت..ايه اللى بيحصل ده..مش عاااارف ايه ده؟ المهم نحافظ على التعادل ...شدوا حيلكوا يا رجاله واقلع السلسله يا سامح خلى ربنا يكرمنا يا
بنى ادم
اقروا سورة الفاتحه وايه الكرسى وعدية ياسين وانا هاخلى الاحتياطى يضبطوكوا دعاوى من بره
فوووو الشوط التانى
(عشرين دقيقه كده واعمل مصاب ومش قادر أكمل قبل مايجيبوا فينا جون ولا بتاع وقبل مالمنيل ده يخلص تغيراته..تعبان أوى...اه.. وعلى اد فلوسهم)
(ربنا يسهل بس فى الموضوع اللعبه الحلوه اللى عملتها دى..نفسى بقى اروح الاهلى او الزمالك واتصاحب على متعب ولا جمال حمزه واعيش لى يومين حلوين
كده.واحلق للصندل اللى معايا دى)
فوووو...تغيير للفريق الخصم
(أوبا...اوعى...المرعب نزل....ههههه.شالوا الدو حاطوا شاهين..الواد نازل كأنه رايح موقعة عين جالوت..والله ماهايعمل حاجه..يالا ..خليه يسترزق)
فوووو
فوووو
فوووو
(الحكم كأنه عيل ممسكينه صفاره..ههههه..خليه يصفر عالفاضيه والمليانه....حلو أوى كده...اهو بيموت الماتش)
(تقريبا كده فات 20 دقيقه...أول مالباك ليفت بتاعهم يدخل عليا...أعمل فيها ليلى علوى فى غرام الافاعى واه قلبى ..رجلى..قولونى...بنكرياسى..هه.
بس اطلع أعمل أوفر بس الاول عشان يبان أنى مموت نفسى)
(اسلم بس عالحكم وانا خارج عشان مايستقصدنيش الماتش الجاى)
وبالفعل خرج اللاعب فى موقف مأساوى نتيجة اصابه لا يعمل الا الله ماهيتها ويتم تبديله
جووووووووووووووووووووون
(أوف..جون لينا..واللى جابه الواد اللى نزل مكانى...مش مشكله...زيى زى ميدو وعمرو زكى هههه..اشطه...والله شكلى هاشتهر)
فى اليوم التالى
تررررررررن ترررررررن
الو....معاك عدلى القيعى
تررررررن ترررررررن
الو...المندوه الحسينى عالخط
ترررررن تررررررن
جريدة الكوره والملاعب
ترررررن ترررررن
ترررررن ترررررن
ولا يزال هاتف اللاعب يدق حتى الان
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
هو بصراحه مش انا اللى كات الموضوع ده بس هو عجبنى جدا جدا لانه بيعكس حال الكوره فى مصر وكمان بيعرفنا الانديه بتشترى الاعبين على اساس ايه
اطلق الحكم صافرته معلنا بدأ المباراه
(اهو الماتش بدأ....ربنا يستر بقى...الواد الباك ليفت بتاعهم عاش عليا كتير أوى الماتش بتاع الدور الاول)
وانطلق اللاعب بمحاذاة الخط
فوووووووو....فاول
(يادى النيله على الحكام...اى حاجه يصفر...لازم يعرفنا انه موجود يعنى)
(موضوع الحكام ده بقى يقرف..لا ويقولك اصل الحكم بشر..واحنا يعنى اللى ولاد كلب..ماحنا كمان بشر..انا حاسس انى هاجيب كرش حكم مره وهاقول اصلى بشر)
فوووووو كورنر
(اروح ارفع الكورنر ده يمكن المخفى ده ياخدنى المنتخب..دانا سفيت التراب وعمرى ماشفت المنتخب)
(أنا مش عارف ايه معايير اختياره للمنضمين للمنتخب...دا قبل كاس افريقيا لما اسامه حسنى اتصاب جاب مكانه سمير صبرى يعنى زى اللى باع الميكرويف وجاب
مكانه راديو....يكونوش بيدفعولوا فلوس)
فوووو ..عرقل اللاعب الخصم..فاول
(الواد الباك الشمال بتاعهم ده منه لله...واخدنى فحت وردم...بس ده نادى شركه ...وانا بلعب على اد فلوسى)
(وبعدين كده كده دايما الباك اليمين مظلوم..افهموا يا بشر...الباك اليمين دايما بيبقى قصاده باك شمال ومعظم الماتش بتبقى مباراه جانبيه بينهم وأكيد الاشول احرف
من اللى بيلعب بيمينه..عشان كده الناس بتحس ان مصر مفيهاش باك يمين كويس)
(وبعدين انا شوط جنب الجمهور وشوط جنب المدرب...مش زى الهافات ولا الفراوده...بيبقوا بعيييد عن وجع الدماغ ده)
فووووو..اوفسايد على الفريق المنافس
(ههههه...اهى الكوره دى مفيهاش حاجه..انا اللى مغطى الاوفسايد هههههه...انما الحكم بيريح دماغه..يبص على اللاينمات ويصفر..واللاينمان معندوش
مشاكل...يقول اوفسايد على كوره مفيهاش حاجه محدش هايكلمه..انما لو قال مش اوفسايد على كوره اوفسايد ودخلت جون هايروح فى داهيه..واهو بردو بيشتغل
على اد فلوسه...زمانه بياخد فى الماتش 60 ولا 70 جنيه ويتعشى ويبات فى فندق 4 نجوم...ههههه)
فوووو..ضربة مرمى
(اشطه جدا..اهو الماتش بدأ ياخد المنحنى اللى انا بحبه..ريحنى واريحك....أموت فى الدورى العام)
فوووو...رمية تماس
(مش لاعبها..أحسن يقوللى فاول اوت...دامابيصدق يصفر عشان يعرف لجنة الحكام انه صاحى)
فوووو...انذار للاعب تعثر داخل منطقة الجزاء
(اهو الهبل هايبتدى...الواد اتكعبل ووقع ...ومحدش قال عايزين بلنتى ...انما ده نظام الكوره فى مصر..اللى يتكعبل جوه المنطقه لازم يتجلد الف جلده...واللى مش
عاجبه مايلعبش كوره)
مش فووو.. بس اللاعب تخطى 3 لاعبين دفعه واحده ورفع اوفر بس جت فى العارضه
(يا مسهل ...اهو على بكره ولا بعده بسبب اللعبه دى هلاقى عدلى القيعى والمندوه الحسينى ومش بعيد بتوع انبى كمان هايموتوا بعض عليا..اشطططططه)
(وبعديها بقى اطلع على تركيا واعيش لى يومين حلوين بدل الارف ده وابقى ارجع واقول اصلى مستحملتش الغربه ..اصلها كانت غربه خضار..وانا بحب غربة
لسان العصفور ..هههههه)
(حلوه دى..ابقى اقولها لصاحبتى بين الشوطين فى الموبيل اضحكها ..وحشتنى اوى ..منه لله ابوها..يأما تروح الاهلى أو الزمالك يأما هاجوزها لابن عمها الظابط)
بردو مش فووو...بسبب عدم تركيز
اللاعب مر منه الخصم وتسبب اللاعب فى ركلة جزاء
(يا نهار اسود ومنيل...البت دى فقر...اروح امثل على الحكم شويه ...ويبقى يدينى انذار ولا بتاع ..مش مشكله ..بس المهم ان الناس تحس انى مظلوم وبالمره اريح
الماتش الجاى...هو ده اساسا الانذار الاول ولا التانى..والله مافاكر)
.....انذار للاعب
(يالا مش مهم..ويوم الجمعه تيجى على الكوره مع دريم ويقولوا مفيهاش حاجه ويتصلوا بالغندور يقول لهم اصل الحكم بشر...ربنا يسهل بس والكاميرا
متوضحهاش أوى...أنا عارف ان الاستاد مفيهوش غير كاميرا واحده شغاله واتنين بيشاوروا عقلهم)
فى العارضه
(الحمد لله..الحمد لله......اروح بقى للحكم اقول له ..".شفت عدل ربنا يا مفترى"....واهو مش هايقدر يطردنى...طبعا...والا مكانش يروح انهارده)
فووووووو..انتهاء الشوط الاول
(الشوط الاول خلص..ربنا يستر بقى والمدرب ميزودهاش معايا احسن مش ناقصاه خالص)
المدرب:انتوا لاعيبه زفت..ايه اللى بيحصل ده..مش عاااارف ايه ده؟ المهم نحافظ على التعادل ...شدوا حيلكوا يا رجاله واقلع السلسله يا سامح خلى ربنا يكرمنا يا
بنى ادم
اقروا سورة الفاتحه وايه الكرسى وعدية ياسين وانا هاخلى الاحتياطى يضبطوكوا دعاوى من بره
فوووو الشوط التانى
(عشرين دقيقه كده واعمل مصاب ومش قادر أكمل قبل مايجيبوا فينا جون ولا بتاع وقبل مالمنيل ده يخلص تغيراته..تعبان أوى...اه.. وعلى اد فلوسهم)
(ربنا يسهل بس فى الموضوع اللعبه الحلوه اللى عملتها دى..نفسى بقى اروح الاهلى او الزمالك واتصاحب على متعب ولا جمال حمزه واعيش لى يومين حلوين
كده.واحلق للصندل اللى معايا دى)
فوووو...تغيير للفريق الخصم
(أوبا...اوعى...المرعب نزل....ههههه.شالوا الدو حاطوا شاهين..الواد نازل كأنه رايح موقعة عين جالوت..والله ماهايعمل حاجه..يالا ..خليه يسترزق)
فوووو
فوووو
فوووو
(الحكم كأنه عيل ممسكينه صفاره..ههههه..خليه يصفر عالفاضيه والمليانه....حلو أوى كده...اهو بيموت الماتش)
(تقريبا كده فات 20 دقيقه...أول مالباك ليفت بتاعهم يدخل عليا...أعمل فيها ليلى علوى فى غرام الافاعى واه قلبى ..رجلى..قولونى...بنكرياسى..هه.
بس اطلع أعمل أوفر بس الاول عشان يبان أنى مموت نفسى)
(اسلم بس عالحكم وانا خارج عشان مايستقصدنيش الماتش الجاى)
وبالفعل خرج اللاعب فى موقف مأساوى نتيجة اصابه لا يعمل الا الله ماهيتها ويتم تبديله
جووووووووووووووووووووون
(أوف..جون لينا..واللى جابه الواد اللى نزل مكانى...مش مشكله...زيى زى ميدو وعمرو زكى هههه..اشطه...والله شكلى هاشتهر)
فى اليوم التالى
تررررررررن ترررررررن
الو....معاك عدلى القيعى
تررررررن ترررررررن
الو...المندوه الحسينى عالخط
ترررررن تررررررن
جريدة الكوره والملاعب
ترررررن ترررررن
ترررررن ترررررن
ولا يزال هاتف اللاعب يدق حتى الان
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
هو بصراحه مش انا اللى كات الموضوع ده بس هو عجبنى جدا جدا لانه بيعكس حال الكوره فى مصر وكمان بيعرفنا الانديه بتشترى الاعبين على اساس ايه
posted by E L A Z A B @ ٢:٣٣ م
